ဆရာမခိုင်မာကျော်ဇော
ရဲ့ ကဗျာလေးတစ်ပုဒ်ပါ။ဖုန်းဆိုးမြေမှ ပျဉ်းမပြာ ကဗျာစာအုပ်ထဲကဖြစ်ပါတယ်။ ဒီကဗျာ စာအုပ်ကို
အုန်းပြန့်စခန်းရောက်မှ ဖတ်ရတယ်။တခြားသူတွေအတွက်တော့ မသိဘူး ကျွန်တော့်အတွက်တော့ အရမ်းပဲကြိုက်မိပါတယ်။
ခံစားချက်တစ်ချို့နဲ့ တိုင်ဆိုင်နေလို့ပါ။ အမှန်တကယ်တော့ ဒီကဗျာကို အိပ်မှာ ချိတ်ဖို့အတွက်
ဆရာမခိုင်မာကျော်ဇော ကိုခွင့်တောင်းချင်ပါတယ်။ ဘယ်လိုဆက်သွယ်ရမှန်းမသိလို့ပါ။ ဒါကြောင့်
ဒီနေရာလေးမှာပဲ ဆရာမကို ခွင့်တောင်းလိုက်ပါတယ်။ အချိန်ရရင် ဆရာမခိုင်မာကျော်ဇော ရဲ့
ကဗျာလေးတွေကို ကောင်းရာနိုးနိုးရွေးပြီး တင်ပေးစေချင်ပါတယ်။
လေးအိမ်တန်းက
ဒေါ်လေးစာ
ညည်းတို့ ပြောပြောနေတဲ့ "ဒီမိုကရေစီ"
ဘယ်မှာရှိတာတုန်းအေ….
ရွာမှာတော့
အခု တလော
အတော့်ကို အပြောများတယ်။
ဒါပေမယ့်
ကျယ်ကျယ်တော့ မပြောရဲသေးဘူး။
မီးခွက်လေးတွေ မှိတ်ပြီး
တိတ်တိတ်လေး ပြောကြရတာ။
ဘယ်နေရာ သွားသွား
လူတွေရဲ့ပါးစပ်ဖျားမှာ
"အောင်ဆန်းစုကြည်"
"အောင်ဆန်းစုကြည်" နဲ့
တသသလည်း ဖြစ်ကြပါရဲ့
ဒါလည်း…..
မရဲတရဲ တထိတ်ထိတ်နဲ့ပါ အေ။
တလောကပဲ ကြားလိုက်ရသေး
ခုနှစ်တန်း ကျောင်းသားလေး တယောက်
အိပ်ယာဘေး ကျူထရံမှာ
ဒေါ်စုပုံလေး ချိတ်လို့
အိပ်နေတုန်းရှိသေး
စစ်ထောက်လှမ်းရေးက ဆွဲသွားလို့
ထောင်၂ နှစ်တဲ့
မုဆိုးမ အမေကြီးမှာ
ငိုကြီးချက်မနဲ့ တော်၊
ဒီသတင်းကြားတော့
စားမ၀င် အိပ်မပျော်နဲ့
ကျုပ်တို့မှာ
လွတ်လပ်စွာ မြတ်နိုးခွင့်လေးတောင်
မရတဲ့ ဘ၀ပါ။
"ဒီမိုကရေစီ" " အောင်ဆန်းစုကြည်"
"အောင်ဆန်းစုကြည်" "ဒီမိုကရေစီ"
နားရည်တော့ အတော့်ကို ၀နေပြီ။
ဂဃနဏသာ မသိတာ
"ဒီမိုကရေစီ" ရရင်
ပေါ်တာကြေး ကင်းကြေး
အဓမ္မလုပ်အားပေးနဲ့ အဓမ္မ စပါးဝယ်ယူရေး
စစ်သားစုဆောင်းရေးလည်း မရှိဘူးဆိုဘဲ။
ဒါတင် ဘယ်ကမလဲ
ကျုပ်တို့ပြောချင်တာလည်း
လွတ်လွတ်လပ်လပ် ပြောခွင့်ရမယ်တဲ့။
ဒါကြောင့်မို့လည်း
လူကြိုက်များတာနေမှာ
ကျုပ်တို့ရွာကိုလည်း
အမြန်လာပါစေလို့ဆုတောင်းနေရတယ်။
ညည်းတို့ ခေတ်
"၈၈" အကြောင်းတွေလည်း ပြောကြ
အခုလည်း "၉၉" မှာ
တမျိုးတော့ ထူးခြားမယ်တဲ့၊
"ပန်းပန်သူ နန်းစံမှ ပြည်အေးမယ်"
ဒီတဘောင်လေး ကြားရင်
"အောင်ဆန်းစုကြည်" မျက်နှာလေးကိုပဲ
ပြေးပြေးပြီး မြင်မိပါတယ်။
မေတ္တာတွေ ဖိတ်လျှံတဲ့ စိတ်သဏ္ဌာန်ဟာ
မိန်းမသားတွေမှာသာ
အများသား ရှိတာပါ။
အာဏာရူးတွေ ဘေးထွက်ပေးမှ
တိုင်းပြည်အေးမှာပါ အေ။
ဒီအရေးအတွက်
ကျုပ်တို့လည်း
လက်မနှေးစေရပါဘူး။
အကြောင်းထူးရှိရင် ပြောနော်
ကျောကော့အောင် ခံရတာတွေများပြီ။
လုံးပါး ပါးပေမယ့်
ညည်းအဒေါ် ကျုပ်မသေသေးဘူး၊
ဒီမိုကရေစီ အရသာလေးကိုတော့
ခံစားကြည့်ချင်ပါသေးတယ်။